Վենետիկի հանձնաժողովի ներկայացուցիչների եզրակացությունը դժվար է անվանել փորձաքննություն. Տիգրան Եգորյան

«Վենետիկի հանձնաժողովը, որին այդքան հղում է կատարվում և որի եզրակացությունը կամ կարծիքը այդքան կարևորվում է, իրականում իրականացրել է առնվազն միայն եվրոպական կոնվենցիային և միջազգային ստանդարտներին առաջարկվող փոփոխությունների քննարկում: Այն դժվար է անվանել փորձաքննություն, քանի որ Վենետիկի հանձնաժողովի ներկայացուցիչների հիմնավորումները փորձագիտականից փոքր-ինչ տարբերվում էին, քանի որ նրանք կիրառում էին երկակի ստանդարտներ: Oրինակ` երբ քննարկում էին 89-րդ հոդվածը, Վենետիկի հանձնաժողովի անդամներն ասում էին` մեզ չի հետաքրքրում, թե ո՛ր եվրոպական երկրներում կա համանման կարգավորում, մենք ՀՀ-ին խորհուրդ ենք տալիս երկրորդ փուլի անցկացումը դուրս բերել նախագծից, բայց մեկ այլ հարցի՝ հավաքների ազատության սահմանափակման հնարավորության վերաբերյալ, մասնավորապես՝ ողջամիտ ժամկետում ծանուցման պարտականության հարցը քննարկելիս Վենետիկի հանձնաժողովը հենց նույն հիմնավորմամբ ասել է, որ դա մեծ հաշվով համահունչ է եվրոպական տարբեր երկրներում գործող կարգավորումներին և որ իրենք արձանագրում են, որ այդ կարգավորումը համապատասխանում է եվրոպական չափանիշներին,- :Բուն TV-ի եթերում նշում է փաստաբան Տիգրան Եգորյանը: